Lənkəran Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Mirisaq Mirtalıblının cinayət işi üzrə məhkəmə istintaq yekunlaşıb.
Den.az Pravda.az-a istinadən əldə etdiyi məlumata görə, sonuncu keçirilən prosesdə hökm oxunub.
Məhkəmənin hökmü ilə o, 3 il müddətinə azadlıqdan məhrumetmə cəzasına məhkum edilib. Şirvan Apellyasiya Məhkəməsi Mirisaq Mirtalıblının şikayətini təmin etməyib.
İttihama görə, hadisə 05 yanvar 2023-cü il tarixdə, saat 16:20 radələrində, Astara rayonu Şiyəkəran kəndində qeydə alınıb. Belə ki, rayon sakini, 2001-ci il təvəllüdlü Mirisaq Mirtalıblı qayınanasına məxsus fərdi yaşayış evinin yataq otağında olarkən zərərçəkmiş, arvadı S.Mirtalıblıya qısqanclıq zəminində, yəni qadının pəncərə qarşısında dayanıb yola baxmasına irad tutub. Zərərçəkmiş isə ona cavab qaytarıb. Mirisaq da buna hirslənib və yaxınlıqdakı kardon qutunun içərisindən götürdüyü mətbəx bıçağını qorxutmaq məqsədilə qadının boğazına dayayıb. S.Mirtalıblı isə qorxub qaçmaq istəyərkən bıçaq boğazını kəsib. Daha sonra o, S.Mirtalıblının kürək nahiyəsinə və qarın boşluğuna bıçaq zərbələri endirərək qadına qəsdən ağır zərər vurub. Mirisaq Mirtalıblı barəsində Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə ittiham irəli sürülüb.
Gənc oğlan qayınanasının evində ona cavab qaytaran arvadının boğazını kəsdi
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
