Bakıda özünə antibiotik vuraraq şoka düşən 1996-cı il təvəllüdlü həkim Əlizadə Qəmbər Dilavər oğlunun ölümü ilə bağlı təfərrüat məlum olub.
Neftçaladan olan həkimin tanışlarının Pravda.az-a verdikləri məlumata görə, əlindəki kiçik yara iltihablaşdığı üçün həkim Q.Əlizadə özünə "Seftriakson" antibiotiki vurmaq istəyib.
Q.Əlizadənin atası da həkim olduğu üçün əvvəlcə atasına zəng edib.
Atası antibiotikin reaksiya verə biləcəyi ehtimalına görə oğluna antibiotik vurmamağı məsləhət görüb.
Q.Əlizadə atasının məsləhətini dinləməyib, lakin əks təsir ehtimalını da nəzərə alaraq ehtiyat üçün stolun üstünə "Adrenalin" ampulası da qoyub.
Təəssüf ki, Seftriakson dərhal reaksiya verdiyi üçün həkim imkan tapıb Adrenalin iynəsini vura bilməyib, vəziyyəti pisləşib.
Yaxın dostuna zəng edib, lakin telefonda səsi kəsilib. Kömək çatana qədər artıq gec olub, həkim həyatını itirib.
Q.Əlizadəni çox savadlı, mədəni, alicənab gənc kimi tanıyan yaxınları bildiriblər ki, o, evin tək övladı olub, valideynləri də həkimdir. O, Salyan Rayon Mərkəzi Xəstəxanasında çalışırdı. Q.Əlizadə Almaniyaya çalışmaq üçün getməyi planlaşdırırmış, 3-4 gün sonra alman dilindən imtahan verəcəkmiş.
Allah rəhmət eləsin! 
Özünə iynə vuraraq şoka düşən gənc həkimin ölümü barədə təfərrüat - FOTO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
