"Şəhidin ildönümünə gedəndə maşını aşırıb" - Mənsum İbrahimov DANIŞDI

Xəbər verdiyimiz kimi xalq artisti Mənsum İbrahimovun qardaşı Zülfüqar İbrahimov bu gün avtomobillə ölümlə nəticələnən  ağır yol qəzası törədib. Qəza zamanı o, özü, avtomobildə olan xanımı və azyaşlı oğlu yaralanıb, qayınanası isə vəfat edib.

Qəza ilə bağlı Den.az-a danışan Xalq artisti Mənsum İbrahimov bildirib ki, ailə Ağdam rayonuna, şəhid İsrafil İbrahimovun anım gününü qeyd etməyə gedirmiş.

“Qardaşım yol gedərkən həyəcanlı olub. Bəlkə buna görə qəza baş verib. Gedib Ağdama çıxa bilmədilər. Hadisə Kürdəmir ərazisində baş verib. Hamısı yaralanıblar. Həkim nəzarətindədilər. Xəstəxanaya yerləşdiriliblər”,- deyə o bildirib.

Qeyd edək ki, Mənsum İbrahimovun qardaşı şəhid atasıdır, İsrafil İbrahimov 44 günlük müharibədə qəhrəmanlıqla şəhid olub.