Qızın evindəki problemi həll etməyə gedən ata onu öldürməkdə şübhəli bilinir.
Den.az bildirir ki, Masallıda dəhşətli qətl hadisəsi baş verib.
Hadisə səhər saatlarında rayonun 1-ci Yeddioymaq kəndində qeydə alınıb. Kənd sakini 27 yaşlı Salatın Fətullayevanın yaşadığı evdə ölməsinə dair Masallı rayon Prokurorluğuna məlumat daxil olub. Araşdırmalarla 54 yaşlı Hüseyn Şükürovun qızı Salatın Fətullayevaya aralarında yaranmış mübahisə zamanı bıçaqla xəsarətlər yetirərək qəsdən öldürməsinə əsaslı şübhələr müəyyən edilib.
Qızın qaynanası bildirib ki, ata və qızı arasında mübahisə olub. Səhər ata onlara qonaq gəlib. Elə hadisədə bu zaman baş verib.
Meyit daxili və xarici müayinə olunması üçün Məhkəmə Tibbi Ekspertiza və Potoloji Anatomiya Birliyinin Masallı rayon şöbəsinə təhvil verilib. Məlum olub ki, ata qızına 17 bıçaq zərbəsi vuraraq, onu qətlə yetirib. Cinayət əməlini törətməkdə şübhəli bilinən qızın atası Hüseyin Şükürov saxlanılıb. Faktla bağlı Masallı rayon prokurorluğunda cinayət işi başlanıb.
Ata 27 yaşlı qızını buna görə öldürüb - TƏFƏRRÜAT
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
