Geosiyasi analitik Patrik Henningsen ABŞ hərbi komandanlığının İranda quru əməliyyatı keçirmək cəhdlərinin tamamilə uğursuzluqla nəticələndiyini bildirib. O, bu fikirləri YouTube platformasında yayımlanan verilişdə səsləndirib.
Ekspert ABŞ-ın İrana quru qoşun yeritməsinin real görünmədiyini vurğulayıb. O xatırladıb ki, Vaşinqton bu ehtimalı əvvəlcədən araşdırsa da, nəticədə fiaskoya uğrayıb.
Onun sözlərinə görə, ABŞ-ın hazırkı hərbi strategiyası əsasən hava hücumlarının davam etdirilməsinə söykənir.
“Onların yeganə ümidləri hava zərbələrinin davam etdirilməsidir… Təəssüf ki, görünən odur ki, məhz bunu edəcəklər, çünki buna gücləri çatır,” — deyə ekspert qeyd edib.
