Millimiz Lüksemburqa qarşı

21 yaşadək futbolçulardan ibarət Azərbaycan millisi Avropa çempionatının seçmə mərhələsində növbəti oyununa çıxacaq.

“Den.az” xəbər verir ki, yığmamız üçüncü oyununu Lüksemburqa qarşı keçirəcək.

F qrupunda qərarlaşan komandalar “Azərsun Arena”da üz-üzə gələcəklər. İlk iki turda Serbiya və Şimali İrlandiyaya uduzan Samir Əliyevin yetirmələri, nəhayət, doğma arenada xal qazanmağa çalışacaq.

Avropa çempionatının seçmə mərhələsi

F qrupu

17 oktyabr

18:00. Azərbaycan – Lüksemburq

Baş hakim: Dumitri Muntean (Moldova)

Bakı. “Azərsun Arena”