Tennis insan ömrünü uzadan ən təsirli idman növlərindən biri hesab olunur.
Bu barədə tibb elmləri namizədi Kirill Masliyev KP.ru-ya açıqlamasında bildirib.
“Tennis, şübhəsiz ki, uzunömürlülərin idmanıdır. Raketli idman növləri koordinasiyanı və sinir sistemi ilə əlaqəni gücləndirir”, — deyə Masliyev qeyd edib.
Onun sözlərinə görə, bu idman növü eyni anda bir neçə vacib funksiyanı inkişaf etdirir, o cümlədən koordinasiya və sinir sisteminin fəaliyyəti.
Araşdırmalar göstərir ki, tennis məşğuliyyəti ömrü təxminən 9,7 il uzada bilər və ümumi ölüm riskini 47% azaldır.
Mütəxəssis vurğulayıb ki, raketli idman növləri sağlam həyat tərzi üçün ən effektiv seçimlərdən biridir.
