Britaniya həkimləri sağalmaz ağciyər xəstəliyi olan silikozdan ölüm hallarının sürətlə artmasından narahatdırlar.
Bu xəstəlik əsasən kvars mətbəx tezgahlarının hazırlanması ilə əlaqələndirilir.
Həkim Co Feri bildirib ki, əvvəllər Britaniyada ildə orta hesabla səkkiz nəfərdə silikoz aşkarlanırdı.
Lakin son 12 ayda xəstəliklə bağlı kəskin artım qeydə alınıb — 45 yoluxma halı müəyyən edilib ki, bu da illik müqayisədə 462 faiz artım deməkdir.
Kvars tezgahların populyarlığı onların mərmər və qranitdən daha ucuz olması ilə izah edilir.
Xəstəlik isə əsasən bu materialla işləyən ustalarda aşkarlanır.
“The Sun” nəşrində yayımlanan araşdırmada bildirilir ki, iş yerlərində düzgün havalandırma və qoruyucu vasitələrin olmaması səbəbindən material hissəcikləri ağciyərlərin dərin qatlarına çökür.
Bu isə zamanla:
- nəfəs darlığı,
- geri dönməyən çapıqlaşma,
- geniş fibroz yaradır.
Silikoz xüsusilə daş emalı sahəsində çalışan gənclər arasında yayılır.
Ən çox xəstəliyə 20–30 yaş arası işçilərdə rast gəlinir.
Bu şəxslər süni daşın kəsilməsi və cilalanması ilə məşğul olduqları üçün havaya qalxan silikon dioksid tərkibli tozu nəfəs alırlar.
Effektiv havalandırma və qoruyucu vasitələr olmadıqda həmin toz ağciyərlərdə toplanır.
İlk ölüm halları 2023-cü ildə qeydə alınıb.
Həmin vaxtdan bəri ən azı dörd kişi həyatını itirib.
Təxminən 23 yaşında olan bir neçə daş ustasının isə ağciyər transplantasiyasına ehtiyacı olduğu bildirilir.
