Ötən gün strukturu təsdiq olunan Şirvan-Salyan Regional Mədəniyyət İdarəsinə rəis təyin olunub.
Den.az-ın “Report"a istinadən məlumatına görə, Mədəniyyət Naziri Adil Kərimlinin müvafiq əmrinə əsasən Şahin Şahbazov bu vəzifəyə təyinat alıb.
Yeni idarə Biləsuvar Regional Mədəniyyət İdarəsinin əsasında yaradılıb və Biləsuvar şəhərində fəaliyyət göstərəcək.
Ş. Şahbazov bu təyinatadək 2021-ci ilin may ayından Lənkəran Regional Mədəniyyət İdarəsinin rəisi vəzifəsini daşıyıb.
Qeyd edək ki, Şahin Yusif oğlu Şahbazov 1984-cü ildə anadan olub. 2006-cı ildə Azərbaycan Dövlət Mədəniyyət və İncəsənət Universitetinin Muzey işi və abidələrin mühafizəsi ixtisasını bakalavr dərəcəsi üzrə, 2008-ci ildə isə Bakı Dövlət Universitetinin Tarix fakültəsini magistr dərəcəsi üzrə fərqlənmə diplomu ilə bitirib.
2012-2018-ci illərdə AMEA-nın Arxeologiya və Etnoqrafiya institutunun doktorantı olub. Əmək fəaliyyətinə 2004-cü ildə Qobustan Milli Tarix-Bədii Qoruğunda başlayıb. 2013-2021-ci illərdə Mədəniyyət Nazirliyində müxtəlif vəzifələrdə çalışıb.
O, 2019-cu ildən Xəzər Universitetində pedaqoji fəaliyyət göstərib. 4 elmi məqalənin müəllifi, bir neçə kitabın redaktoru və tərtibatçısıdır. Beynəlxalq Muzeylər Şurasının (İCOM) üzvüdür.
Nazir bu idarəyə rəis təyin etdi
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
