Hazırda Azərbaycanda 1500, 2500 və 3000 manat əməkhaqqı alan müəllimlər var.
Den.az xəbər verir ki, bunu Milli Məclisin Elm və təhsil komitəsinin sədri Bəxtiyar Əliyev komitənin martın 6-da keçirilən iclasında deyib.
O bildirib ki, ümumi təhsil və məktəbəqədər təhsil müəssisələrində sertifikasiya prosesi həyata keçirilir və bu, stimullaşdırıcı tədbirdir:
“Təhsilverənlərin öz üzərilərində çalışmaları, bilik, bacarıq və səriştələrini artırmaları önəmlidir. Digər tərəfdən bu, onların əməkhaqlarının artmasına təsir göstərir”.
B.Əliyev söyləyib ki, kim sertifikasiya imtahanında yüksək bal toplayırsa, onların əməkhaqlarına əlavələr olur: “Bu da 2026-cı ildən müəllimlərimizin minimum əməkhaqlarının təxminən 1 000 manatdan yuxarı olacağını deməyə əsas verir. Misal olaraq, bu gün 1500, 2500 və 3000 manat əməkhaqqı alan təhsilverənlərimiz var. Burada söhbət ümumi təhsil müəssisələrindən gedir. Eyni məsələ məktəbəqədər, məktəbdənkənar və ali təhsil müəssisələrinə də şamil edilir”.
“Azərbaycanda 3000 manat maaş alan müəllimlər var”
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
