Milli Məclisin Hüquq siyasəti və dövlət quruculuğu komitəsinin bu gün keçirilən iclasında apellyasiya məhkəmələrinə yeni hakimlər təyin olunub.
Onlardan biri də Bakı Ağır Cinayətlər Məhkəməsinin hakimi Faiq Qəniyevdir.
Den.az-ın məlumatına görə, məhkəmə-hüquq sisteminin cinayət sahəsi üzrə nüfuzlu hakimlərindən olan Faiq Əsəd oğlu Qəniyev barədə əldə etdiyi dosyesini oxuculara təqdim edir.
Belə ki, Faiq Qəniyev 1970-ci ildə Quba rayonunda anadan olub. 1988-1990-cı illərdə keçmiş Sovet ordusu sıralarında hərbi xidmətdə olub.
1990-1995-ci illərdə Bakı Dövlət Universitetinin hüquq fakültəsində təhsil alıb.
1992-1993-cü illərdə - Bakı Dövlət Universitetinin hüquq fakültəsinin tələbəsi olarkən könüllü olaraq təhsilini yarımçıq qoyub Azərbaycan Milli Ordusuna yazılaraq Birinci Qarabağ döyüşlərinə qatılıb. Ağdam və Ağdərə istiqamətlərində gedən döyüşlərdə iştirak edib, Qarabağ
müharibəsi veteranıdır.
Daha sonra hüquqşünas kimi fəaliyyətə başlayana kimi müxtəlif idarə, müəssisə və təşkilatlarda fəhlə, çilingər işləyib.
1994-1998-ci illərdə Dövlət Neft Şirkəti sistemində hüquqşünas vəzifəsində fəaliyyət göstərib;
1998-2013-cü illərdə Azərbaycan Respublikası Milli Təhlükəsizlik Nazirliyinin İstintaq Baş İdarəsində müstəntiqlikdən şöbə rəisinin müavini vəzifəsinə kimi yüksəlib, ədliyyə polkovnikidir.
2008-ci ildə Azərbaycan Respublikası Prezidentinin Sərəncamı ilə «Hərbi xidmətlərə görə» medalı ilə təltif edilib.
04.10.2013-cü il il tarixdə Azərbaycan Respublikası Prezidentinin Sərəncamı ilə Bakı Ağır Cinayətlər Məhkəməsinin hakimi vəzifəsinə təyin edilib.
Hüquq üzrə fəlsəfə doktorudur, çoxsaylı elmi məqalə və monoqrafiyaların müəllifidir.
Eyni zamanda, Milli Aviasiya Akademiyasında cinayət hüququ fənnini tədris edir.
Ailəldir, 3 övladı var.
Bakı Apellyasiya Məhkəməsinə yeni hakim təyin edilən Qarabağ veteranı kimdir? - DOSYE
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
