2020-ci ilin payızı Azərbaycan tarixinə qızıl hərflərlə yazıldı. Müzəffər Ali Baş Komandan cənab İlham Əliyevin siyasi iradəsi, uzaqgörənliyi, qətiyyəti sayəsində və “Dəmir yumruq” ətrafında sıx birləşən yenilməz ordumuz döyüş meydanında düşməni diz çökdürdü. 44 günlük Vətən müharibəsində qazandığımız tarixi şanlı qələbə ilə Ermənistanın işğalına son qoyuldu və Azərbaycan tarixi ədaləti bərpa etdi. Bu gün azad Qarabağda həyata keçirilən surətli və genişmiqyaslı abadlıq işlərindən sonra soydaşlarımız öz doğma yurdlarına geri dönür, bununla da doğma Qarabağımıza həyat yenidən qayıdır.
Vətən müharibəsində şəhidlik zirvəsinə ucalan Abşeron şəhidlərinin bu günlərdə ildönümləri qeyd olunur. İldönümlərində Abşeron rayon İcra Hakimiyyətinin başçısı Abdin Fərzəliyev, RİH-in məsul əməkdaşları, şəhid ailələri və Vətən müharibəsi iştirakçıları iştirak edib.
Rayon rəhbərliyi şəhidlərimiz Dövlətzadə Cəbrayıl Dövlət oğlu, Ağakişiyev Nurlan Etibar oğlu, Nəcəfov Şamil Rəfi oğlu, Quliyev Hətəmxan Məti oğlu, Ələsgərov Ələkbər İsgəndər oğlu, Ataşov Asif Kərim oğlu, Həsənov Elşad Paşa oğlu, Xəlilbəyli Turqut Nadir oğlu, Musibov Veysəl Yadulla oğlu, Üseynov Ceyhun Elşad oğlu, Rəhimli Ülvi Rabil oğlu və Məmmədov Tərlan Müşviq oğlu oğlunun məzarlarını ziyarət edib, ruhlarına dualar oxunub, şəhidlərimizin ailələri ilə görüşərək onların qayğıları ilə maraqlanıb.
Qeyd edək ki, RİH rəhbərliyi tərəfindən şəhid ailələri mütamadi şəkildə yad edilir və onlarla görüşlər keçirilir. Şəhidlərin ildönümləri ilə yanaşı onların və övladlarının doğum günləri də qeyd olunur.
Keçirilən görüşlərdə bildirilib ki, cənab Prezident İlham Əliyevin düşünülmüş siyasəti nəticəsində bölgədə yeni sülh və sabitlik mühiti formalaşıb. Ölkəmizin sülh tərəfdarı olduğunu vurğulayan RİH başçısı yenilməz ordumuzun bugünkü gücündən danışaraq bildirib ki, silahlı qüvvələrimiz bundan sonra da baş verəbiləcək istənilən hərbi təxribatların qarşısını almağa hazırdır və Azərbaycan vətəndaşları tam təhlükəsiz şəraitdə Qarabağda yaşamağa davam edəcəklər.
Şəhid ailələri də öz növbələrində onlara hər zaman diqqət və qayğının göstərildiyini, ölkəmizdə şəhidlərin adlarının əbədiləşdirilməsi istiqaməində mütəmadi şəkildə tədbirlərin keçirildiyini bildirərək, bütün bunlara görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər. Şəhidlərin xatirəsinin əziz tutulmasını, daim yad olunmasını bütün şəhid ailələrinə olan hörmət və ehtiramın bariz nümunəsi kimi qiymətləndiriblər.
Abşeronda şəhidlərimiz ildönümlərində yad edilib-FOTOLAR

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.