Nazir şəhid anasının evinə getdi - FOTO

"Bu gün Zaqatalaya səfər zamanı rayonun Aşağı Tala kənd 3 nömrəli tam orta məktəbinin ibtidai sinif müəllimi Südabə Qazıyeva ilə görüşdük".

Den.az xəbər verir ki, bu barədə Elm və Təhsil naziri Emin Əmrullayev sosial şəbəkə hesabında yazıb.

Nazir qeyd edib ki, görüş zamanı müəllimlərin sertifikatlaşdırılması imtahanının nəticələri və rayonda təhsilin keyfiyyəti barədə fikir mübadiləsi apardıq.

Sertifikatlaşdırmada ölkə üzrə ən yüksək nəticə əldə edən müəllimlərdən biri olan Südabə Qazıyeva həm də Vətən Müharibəsi Qəhrəmanı, şəhid Valeh Bədəlovun anasıdır.