"Ağ Evdəki qalmaqalın təməli iki həftə əvvəl Münhen Təhlükəsizlik Konfransında qoyulmuşdu. Ağ Evdə iki ölkə prezidentinin dalaşmasına rəvac verən vitse-prezident Ceyms Vens iki həftə əvvəl təhlükəsizlik konfransında Rusiya və Çini deyil, Avropa ölkələrini hədəf seçmişdi. Bu həmin toplantıda böyük qalmaqala səbəb oldu. Bundan başqa ABŞ-ın vitse-prezidenti konfransa qatıldığı ölkənin – Almaniyanın kansleri Olaf Şoltsla görüşməkdən imtina etməklə növbəti qalmaqala imza atmışdı. Bunun əvəzinə Vens Münhendə Ukrayna Prezidenti Volodimir Zelenski ilə görüşdü".
Bu barədə "Den.az"a açıqlamasında politoloq Elxan Şahinoğlu bildirib.
"Ağ Evdə Zelenskini aşağılamağa çalışan Vens iki həftə əvvəlki görüşün məhsuldar keçdiyini bildirmişdi. Ancaq orası da bəlliydi ki, Vens senator olduğu dövrdə ABŞ-ın Ukraynaya dəstəyinin əleyhinə idi. Demək, bu özünü hansısa rəsmi görüşdə biruzə verməliydi. Vens özünü Ağ Evdəki görüşə hazırlamışdı. Bu fiquru gələcəkdə də diqqətlə izləməliyik, ABŞ-ın yaxın tarixində vitse-prezidentlər Vens qədər fəal olmayıblar. Bu isə Donald Trampın andiçməsindən ötən cəmi 40 gün ərzində beynəlxalq aləmi özündən danışdırmağa məcbur edib. O Trampdan sonra Ağ Evdə yerləşmək istəyir. Bunun üçün hələlik Ukraynanı hədəf seçib".
Günəş Fərəh
Den.az
"O Trampdan sonra Ağ Evdə yerləşmək istəyir" - MÜHÜM DETALLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
