Bu fikirləri "Den.az"a açıqlamasında politoloq Məhəmməd Əsədullazadə səsləndirib. O bildirib ki, Ermənistan rəsmiləri bir tərəfdən yüksək səviyyədə  sülhdən danışır, digər yandan isə beynəlxalq müstəvidə Azərbaycana qarşı düşmənçilik siyasətini davam etdirir: "Ermənistanın Təhlükəsizlik şurasının katibi Armen Qriqoryan ABŞ-a səfər edəcək. Vaşinqtonda keçirilən danışıqlarda Azərbaycanla Ermənistan arasında sülh müqaviləsinin bağlanması və Rusiyanın orbitindən çıxması istiqamətində təlimatlar veriləcək. Ümumiyyətlə, Ermənistan hakimiyyəti Azərbaycanla sülh müqaviləsinin bağlanması üçün bütün təlimatları Qərbdən alır", - deyə politoloq fikirlərini tamamlayıb.