Ukrayna hakimiyyəti ABŞ-dan Ukrayna Silahlı Qüvvələrinə silah tədarükünü artırmağı xahiş edir. Bu barədə tanınmış jurnalist Lara Seliqman yazıb. Onun hesabatına görə, Ukrayna nümayəndə heyəti bu yaxınlarda ABŞ-a səfər edib və orada Amerika hakimiyyətinə yeni silahlar və Ukrayna Silahlı Qüvvələrinin əsgərləri üçün təlimlər daxil olmaqla “istək siyahısı” təqdim edib.
Bəs görəsən, ABŞ Ukraynanın bu yalvarışına məhəl qoyacaqmı? Ümumiyyətlə, Kiyevin bu xahişini Ukraynanın çətin durumda olmasının bariz nümunəsi kimi xarakterizə edə bilərikmi?
Mövzunu "Den.az"a şərh edən politoloq Məhəmməd Əsədullazadə bildirib ki, Ukraynanın ABŞ-dan növbəti dəfə silah istəməsi və siyahı tərtib etməsi yaxınlaşan qış aylarında Kiyevin vəziyyətinin daha da acınacaqlı olacağının göstəricisidir: "Çünki Rusiyanın dayanmadan hücumları həyata keçirilir. Ukraynanın əks-hücumları isə Kiyevin silah arsenalını tükədir. Tərəflərin bir-birinə qarşı güc nümayişi getdikcə daha da artır. Amma Ukraynanın əsas məqsədi Rusiyanın hücumlarını dəf edib öz ərazilərini geri qaytarmaqdır. Yaxın Şərqdə vəziyyətin gərginləşməsi ABŞ-ın diqqətini bu regiona yönəldib. Ona görə də, Ukrayna ABŞ-ın diqqətini öz üzərinə çəkməyə çalışır. Çünki bu, beynəlxalq böhrana və Rusiyanın mövqelərinin güclənməsinə səbəb ola bilər. Bu halda isə Rusiyanın qələbəsinin reallaşması mümkündür".
Politoloqun sözlərinə görə, Ukrayna əks-hücumlarını hələ də geniş miqyasda həyata keçirə bilmir: "Kiyevə ABŞ-dan uzaqmənzilli raketlərin alınması lazımdır. Üstəlik, şaxtalı qış Ukrayna ordusunun vəziyyətini müəyyən qədər çətinləşdirə bilər. Ona görə də, bu, təkcə ABŞ-ın yox, həm də NATO-nun problemidir. Çünki Rusiyanın qalib gəlməsi həm də NATO-nun məğlubiyyəti demək olacaq. Belə olan halda isə Avropa tamamilə nəzarətə götürülə bilər. Ona görə də, Ukrayna çalışır ki, ABŞ öz diqqətini tamamilə Kiyev üzərində cəmləşdirsin. ABŞ-ın Ukrayna üzərindən diqqətini geri çəkməsi Vaşinqtonun mövqelərinin itirilməsinə və Rusiyanın onun üzərində siyasi-hərbi qələbəsinə gətirib çıxara bilər".
Günəş Fərəh,
Den.az
"Bu halda Rusiya Avropanı tamamilə nəzarətə götürə bilər" - ŞOK DETALLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
