Tanınmış teleaparıcı Xoşqədəm Hidayətqızı azyaşlı övladına işgəncə verən ananı “Səni Axtarıram” proqramında ifşa edib.
Den.az Yenisabah.az-a istinadən xəbər verir ki, azyaşlının döyüldüyü kadrları efirə verən Xoşqədəm Hidayətqızı studiyaya gələn nənəyə etiraz edib.
Aparıcı həmin kadrlardan dəhşətə gəldiyini bildirib:
“Uşaq anasının yanındadır. Dünən mənə atdığın videoları görüb bütün gecəni yata bilməmişəm. Ay nənə, mən o uşağı elə qoya bilmərəm. Sən o uşağı o vəziyyətdəmi qoymaq istəyirsən?! Sənin nəvən o şəkildə incidilir... Görüntüləri efirə verin! Bir uşaq o cür döyülür, sən uşağa beləmi baxırsan?
Gəl, bu məsələni bərabər həll edək. Atanın gəlməyini gözləmə, ay nənə, icazə ver sənə kömək edim, sən əsl nənəsən. Əsl nənə olmasaydın, bu nəvənin görüntüləri ilə gəlməzdin, gözündən yaş gəlməzdi. Nənə, gəl, əl-ələ verək nəvəni xilas edək. Məni tək qoyma”.
Hidayətqızı daha sonra uşağın atasına efirdən müraciət edib:
“Elşən, eşidirsən məni, mən o uşağın səsini eşidib dayana bilmədim. Hələ mən digər görüntüləri tamaşaçılara göstərməmişəm. O uşağa yazığın gəlsin. Gəl, sənə yardım edək. Uşağa o işgəncəni verəni ifşa edək! Bəsdir bu uşaqların başına müsibət gətirdiniz! Əl çəkin uşaqlardan! Mən şok yaşayıram, belə rəzalət, belə biabırçılıq olarmı?!”
Həmin görüntüləri təqdim edirik:
Xoşqədəm özündən çıxdı: "Məni tək qoyma" - VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
