Ahbap Dərnəyi ilə bağlı aparılan istintaq çərçivəsində həbs olunan sənətçi Haluk Leventin təxminən 3,7 milyon izləyicisi olan rəsmi Instagram hesabına giriş məhdudiyyəti qoyulub.
Məhkəmənin qərarı sosial media platformasına rəsmi şəkildə göndərilib. Bununla belə, hesabın hələlik Türkiyədən açıldığı bildirilir. Məhdudiyyətin tam qüvvəyə minməsi üçün platformanın texniki prosedurları tamamlaması gözlənilir.
İstanbul Baş Prokurorluğunun koordinasiyası ilə aparılan istintaqda “cinayət törətmək məqsədilə təşkilat yaratmaq”, “ağırlaşdırılmış dələduzluq” və “cinayət yolu ilə əldə edilmiş əmlakın leqallaşdırılması” maddələri üzrə araşdırma aparılır.
İstintaq çərçivəsində MASAK hesabatları, hesab dövriyyələri və texniki-fiziki izləmə materialları araşdırılıb. Şübhəlilərin maliyyə profilləri ilə uyğun gəlməyən yüksək məbləğli pul hərəkətləri, qarşılıqlı iri köçürmələr, mərc hesablarına böyük məbləğlər yatırılması və qısa müddətdə çoxsaylı daşınmaz əmlak keçidləri müəyyən edildiyi bildirilir.
Daha əvvəl saxlanılan 54 şübhəlidən, aralarında Haluk Levent və Oğuzhan Uğurun da olduğu 28 nəfər həbs edilib. Dərnəyin və bəzi şübhəlilərin əmlakına həbs qoyulub. İstintaqın dördüncü dalğasında isə daha 13 nəfər saxlanılıb.
Denmedia.az
