Xırdalanda evlərin qiyməti bahalaşdı-FOTOLAR

Abşeron rayonun Xırdalan şəhərində daşınmaz əmlakın qiyməti artıb.
 
Den.az xəbər verir ki, son dövrlər baş verən qlobal iqtisadi böhrandan, qiymətlərin artmasından, müxtəlif iqtisadi və sosial proseslərdən təsirlənən əsas sektorlardan biri də daşınmaz əmlak bazarı olub.

Ölkədə müşahidə olunan bahalaşma əmlak bazarından da yan ötməyib və qiymətlərin kəskin şəkildə artımına səbəb olub. Tikinti materiallarının bahalaşması və eyni zamanda paytaxtın bir sıra ərazilərində söküntü işlərinin aparılması ilə əlaqədar olaraq Xırdalan şəhərində daşınmaz əmlak bazarında da qiymətlər günbə gün artır. 
 
Mənzillərin alqı-satqısı ilə məşğul olanlar bildirib ki, alıcılar əsasən çıxarışlı bina evlərinə üstünlük verirlər. Alıcı qıtlığı müşahidə edilsədə, lakin qiymətlər bahalaşır. Misal üçün 4 ay bundan öncə 70 minə olan mənzil , hazırda 75-80 minə satışa çıxarılıb. Qanuni 2 otaqlı mənzili 100 minə ala bilirdinsə, indi bu qiymət 20 minə qədər artıb.

Əmlakçıların sözlərinə görə bu qiymət artımın kirayə bazarınada təsir edib. Bir neçə ay bundan öncə 300 manata olan kirayə evlər hazırda 400-450 manat civarındadır.
 
Təkcə Xırdalan şəhəri üzrə bir neçə istiqamətdə aparılan araşdırmaya görə bahalaşma köhnə və yeni tikili binalarda 1, 2 və 3 otaqlı mənzilləri əhatə edir. 

Araşdırma zamanı oda məlum oldu ki, son aylar paytaxt Bakıdan Xırdalan şəhərinə yaşayış üçün köçənlərin sayında artım müşahidə edilib. Məhz bu səbəbdən də daşınmaz əmlak bazarında bahalaşma qeydə alınıb.