Qusar şəhərinin mərkəzi küçələrində uzun müddətdir yol problemi həllini tapmır-FOTOLAR

Qusar şəhərinin mərkəzi küçələrinin yolları bərbad vəziyyətə düşüb.

Bu barədə "Den.az" - ın Şimal bürosuna yerli sakinlər məlumat veriblər.

Təmizlik imandan gələr deyiblər. Asfalt yol həm təmizlikdir həmdə mədəniyyət.
Qusar şəhərində birneçə küçəyə asfalt örtük döşənsə də, şəhərin Əmir Mustafayev və Tolstoy küçələrinə asfalt örtüyü döşənməyib.
Bu küçələrdə yaşayan sakinlər bildirirlər ki, küçələrin şəhərin mərkəzində yerləşməsinə baxmayaraq asfaltlanmaması bir sıra problemlərə yol açıb. Şəhərə bir qədər qar və yağış yağan kimi sözügedən küçələr palçıqlı yollara çevrilir və burada həm piyadaların, həm də nəqliyyat vasitələrinin hərəkəti xeyli çətinləşir. Məktəbə gedən təmiz geyimli məktəblilər isə bu küçələrdən keçərkən mütləq palçığa bulaşırlar. 

Onlar qeyd edib ki, yolların təmir olunması ilə bağlı müxtəlif vədlər verilsə də, indiyədək əməli olaraq heç bir tədbir görülməyib.
Dəfələrlə bu problemlə bağlı Qusar Rayon İcra Hakimiyyətinə müraciət etdiklərini bildirən sakinlər, hətta, bununla bağlı qəbulda da olduqlarını bildiriblər. Yekunda isə "Nəzərimizdədir!" - cavabını alıblar. 

Sakinləri çaş-baş salan vəziyyət kənardan baxanları da "mat qoyur".
Hamıda bir sual yaranır. Ətraf ərazilərdəki küçələr asvaltlanıb, bəs bu sözü gedən küçələri niyə asfaltlanmadı?

Sakinlərin gündəlik həyatına çətinlik yaradan yolsuzluq probleminə birbaşa cavabdeh olan Qusar Rayon İcra Hakimiyyətindən  bildirildi ki,  növbəti ildə də həmin küçələrdə yol təmiri işləri aparılacaq:

 "Yolların asfaltlanması ilə bağlı qeyd edək ki, ayrılan maliyyə vəsaiti hesabına rayon ərazisində 2024-cü il ərzində 8 küçəyə asfalt örtüyü çəkilib. Yol təmirində qalan ara yollar da bu il asfaltlanacaq. Bundan sonra da bu istiqamətdə işlər görüləcək."

Aidiyyəti qurumun bu şablon cavabı yəqin ki, yaxın zamanda gerçəkləşər. Sakinlər asfalt küçəyə qovuşarlar.






Nüşabə Baxşıyeva