KÜRDƏMİRİN ÇƏRTƏYƏZ KƏNDİNİN BƏRBAD YOLUNA AİDİYYATI QURUMLAR NİYƏ BİGANƏ YANAŞIR?

Kürdəmirin Çərtəyəz  kəndində olan yol problemi kənd camaatını təngə gətirib.Kənddə bir neçə idarə və təşkilat yerləşməsinə və hərəkətin həddindən artıq olmasına baxmayaraq bir dəfə də olsun kəndin yoluna asfalt örtüyü salınmayıb. 

Bu barədə Den.az-a kənd sakinləri məlumat verib.

Kənd camaatı uzun illərdir ki, bu çətinliklərlə yaşamaq məcburiyyətində  qalıblar.Bu sözləri Bizim.Media-nın Aran bürosuna kənd camaatı bildirib.Kürdəmirin Çərtəyəz  kəndi rayon ərazisindən 25 km aralıda yerləşir.Bu yolun 21 km-lik hissəsi Ağsu-Kürdəmir-İmişli  yolu 4 km-lik  hissəsi isə kənd yoludur. Kənddə 1500 nəfər sakin 200-ə yaxın ev var.Amma kəndin acınacaqlı olan  yol problemi kənd camaatının gündəlik həyatının kabusuna çevrilib.Belə ki,Çərtəyəz kəndinə gedən yola nə sovetlər dönəmində nədə müstəqillik dövründə asfalt örtüyü salınmayıb.Kənddə istər piyadalar,istər sürücülər,istərsə də məktəblilər bu yolun yarasız və keçilməz olmağından çox əziyyətlər çəkirlər.Onların sözlərinə görə qışda palçıqdan,yayda tozdan bu yolda hərəkət etmək mümkün deyil.Yolda çalaların dərinliyidə bir başqa dərd.Sürücülər bu yolda hərəkət edən zaman yoldakı çalalar onlara avtomobillərini idarə etməkdə çətin anlar yaşadır.Onlar hər dəfə rayon mərkəzinə gedib gəldikdən sonra avtomobillərində texniki nasazlıqlar yaranır və hər dəfə əlavə xərcə düşməli olurlar.Yollarda yaranan bu dözülməz vəziyyət kənd camaatını təngə gətirib.Sakinlər yolun bu vəziyyətdə olması ilə əlaqədar dəfələrlə aidiyyatı qurumlara müraciət etsələrdə bu günə kimi onların səsinə haray verən olmayıb.Sakinlərin dərdini dinlədikdən sonra rayonun Çərtəyəz kənd yolunun acınacaqlı və keçilməz vəziyyətdə olması ilə bağlı üz tutduq Azərbaycan Avtomobil Yolları Dövlət Agentliyinə (AAYDA) Qurumun mətbuat xidmətinin rəhbəri Anar Nəcəfli bildirdi ki, (kənd arası avtomobil yollarının yenidən qurulması regionların sosial iqtisadi inkişafı dövlət proqramı çərçivəsində öz həllini tapır.Və bu proqram çərçivəsində Kürdəmir rayonu ərazisində son illər mühüm yol  infrastrukturu  layihələrinin icrası tərəfimizdən  həyata keçrilib.O cümlədən qeyd olunan Çərtəyəz kənd yolununda yenidən qurulması nəzərdə tutulur.Belə ki, 27 km uzunluğa malik Çərtəyəz-Ərəbxana-Köhünlü-Söyüdlər  avtomobil yolunun yenidən qurulması regionların sosial iqtisadi inkişafı dövlət proqramına artıq salınıb.Və bu proqram çərçivəsində yaxın illər ərzində həmin kənd yollarının yenidən qurulması tərəfimizdən icra olunacaq.)Beləcə qurum rəsmisinin sözünə inansaq kənd camaatı  az bir müddətdə gözləməli olacaqlar ki,kəndə yeni asfalt örtüyü salınsın.Mövzunu diqqətdə saxlayacağıq.