“Rusiya nüvə silahından istifadə edə bilər və bu, istisna deyil”.
Den.az xəbər verir ki, bunu Rusiya Təhlükəsizlik Şurası sədrinin müavini Dmitri Medvedev deyib.
“Uzaqmənzilli silahlarının Rusiya ərazisində istifadəsini təsdiqləyən Qərb ölkələri anlamalıdır ki, onların bizə qarşı döyüşən bütün hərbi texnikası və canlı qüvvəsi məhv ediləcək. Ukrayna artıq birbaşa NATO ölkələrinin hərbi qulluqçuları tərəfindən idarə olunur. Bu, hərbi yardım deyil, Rusiyaya qarşı müharibədə iştirakdır. Bunlar təhlükəli, zərərli və yanlış təsəvvürlərdir. NATO ölkələrinin Rusiyaya qarşı bu cür fərdi yardımı münaqişənin genişlənməsinə səbəb olur”.
Medvedevin sözlərinə görə, taktiki nüvə silahlarının istifadəsi ilə bağlı Qərbin hesablamaları səhv ola bilər. Çünki Moskva bu silahlardan istifadəni istisna etmir.
“Rusiya prezidentinin haqlı olaraq qeyd etdiyi kimi, Avropa ölkələrində əhalinin sıxlığı çox yüksəkdir. Torpaqları taktiki nüvə silahlarının əhatə dairəsindən uzaq olan düşmən ölkələr üçün strateji potensial var. Və bu, qorxutmaq üçün deyilən söz və ya nüvə blefi deyil. Hazırda Qərblə hərbi münaqişə ən pis ssenari üzrə inkişaf edir. Tətbiq olunan NATO silahlarının gücündə daimi bir eskalasiya var. Ona görə də heç kim münaqişənin son mərhələyə keçməsini istisna edə bilməz”, – Medvedev vurğulayıb.
Günəş Fərəh
Den.az
"Bu, hərbi yardım deyil, Rusiyaya qarşı müharibədə iştirakdır" - Medvedev
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
