“Son vaxtlar Ermənistanla flört edən və İrəvanda öz maraqlarını irəli sürən Qərbin regiona geosiyasi marağı artıb”.
Den.az xəbər verir ki, bunu rusiyalı politoloq Andrey Areşev deyib.
“Yaxın gələcəkdə Cənubi Qafqazda vəziyyət Amerika-Çin qarşıdurması müstəvisinə doğru dəyişəcək. Qafqazda vəziyyət xeyli mürəkkəbdir. Burada Amerika-Çin qarşıdurması Hind-Sakit Okean regionundakı kimi deyil. Lakin çinlilər özlərinin Avrasiya kommunikasiya marşrutlarını qurduqları yerdə, amerikalılar da görünürlər”.
Amerika-Çin maraqlarının toqquşması mövzusunu davam etdirən Areşev əlavə edib ki, ABŞ-ın regionda yaranan yeni kommunikasiya infrastrukturuna təsir etmək cəhdləri Çinin iqtisadi fəaliyyətini çətinləşdirmək niyyəti ilə bağlıdır.
“Çin son vaxtlar Cənubi Qafqazda, xüsusən də Gürcüstan və Azərbaycanda ciddi fəallaşıb. Çin Rusiya ərazisindən yan keçərək Anakliya limanına qədər Qafqaz logistika marşrutlarından istifadə etməyi planlaşdırır ki, bu da Ukraynada üçüncü ildir davam edən vəziyyətin gərginləşməsi ilə əlaqədardır”, – deyə politoloq vurğulayıb.
Günəş Fərəh
Den.az
Cənubi Qafqazda vəziyyət Amerika-Çin qarşıdurması müstəvisinə doğru dəyişəcək - Rusiyalı politoloq
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
