Türkiyənin Qırıqqala şəhərində Balışeyh rayonunun bələdiyyə sədri güllələnib.
Den.az xəbər verir ki, bu barədə Türkiyə KİV-ləri məlumat yayıb.
Silahlı hücum nəticəsində Balışeyh Bələdiyyə sədri Hilmi Şen və sürücüsü Mikayıl Çelikkol həyatını itirib, 3 nəfər yaralanıb.
Hadisə rayonun TOKİ mənzilləri ərazisində baş verib. Şübhəli E.Ş, Hilmi Şen (50), sürücüsü Mikayıl Çelikkol (40), Ömər Şengül (42), Koray Kaya (45) və adı bilinməyən şəxsi odlu silahla yaralayıb. Yaralılar ilkin tibbi müdaxilədən sonra Qırıqqala şəhərinə göndərilib.
Qırıqqala Yüksək İxtisas Xəstəxanasına çatdırılan yaralılardan Hilmi Şen və sürücüsü Çelikkol həkimlərin səylərinə baxmayaraq, həyatını itirib.
Hücumda yaralanan digər 3 şəxsin müalicəsi davam edir.
Hücumu törətməkdə şübhəli bilinən şəxsin Hilmi Şenin qohumu olduğu məlum olub. Şübhəli şəxs saxlanılıb.
Qeyd edək ki, Hilmi Şen 31 mart 2024-cü ildə keçirilən seçkilərdə Yenidən Rifah Partiyasından bələdiyyə başçısı seçilmiş, iyul ayında isə partiyasından istefa etmişdi.
Türkiyədə bələdiyyə sədri və sürücüsü öldürüldü - Yaralılar var
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
