ABŞ Prezidenti Donald Tramp bəyan edib ki, Ukrayna münaqişəsinin nizamlanması üçün səylərini davam etdirir və bunun mümkün olacağına inanır.
O, Ağ Evdə keçirilən Milad ağacının işıqlandırılması mərasimində deyib:
“Biz bunun üzərində çox gərgin işləyirik və münaqişəni dayandırmalıyıq.”
Prezident bildirib ki, hazırda ölkə təhlükəsizlik içindədir və əhali Milad və Yeni ili arxayın şəkildə qeyd edə bilər.
Tramp əlavə edib:
“Bir millət olaraq minnətdar olmalı olduğumuz çox şey var. Bu bayram günlərində sərhədlərimiz təhlükəsizdir, ruhumuz yenidən dirçəlir — ölkəmizin tarixində ən təhlükəsiz sərhəd vəziyyətidir. Yeddi aydır ki, ölkəmizə bir nəfər belə qanunsuz daxil olmayıb.”
ABŞ lideri həmçinin ölkənin hərbçilərinə, o cümlədən sakitlik və təhlükəsizliyə nəzarət edən Milli Qvardiyanın “igid qəhrəmanlarına” təşəkkür edib.
