Rusiyalı politoloq Konstantin Bloxin hesab edir ki, Vaşinqtonda ABŞ Prezidenti Donald Trampın iştirak etdiyi tədbirdə baş verən atışma onun siyasi mövqeyinə müsbət təsir göstərə bilər.
Onun fikrincə, belə hadisələr Trampın “mübarizə aparan lider” obrazını gücləndirir və onu “simvolik qurban” kimi təqdim edə bilər.
Bloxin qeyd edib ki, bu təsir uzunmüddətli olmaya bilər, lakin qısa müddətdə Trampın reytinqinə müsbət təsir göstərə bilər.
Ekspert həmçinin vurğulayıb ki, hadisənin baş verdiyi məkan — əvvəllər ABŞ Prezidenti Ronald Reagana qarşı sui-qəsdin törədildiyi yer — əlavə simvolik məna daşıyır.
