Azərbaycanın müxtəlif bölgələrində ev quşlarının kütləvi şəkildə tələf olması müşahidə edilir. Belə hadisələrdən biri Oğuz rayonunun Yaqublu və Yenikənd kəndlərində qeydə alınıb. Ev quşları kütləvi tələf olub, sakinlərə maddi ziyan dəyib.
"Den.az"un Şimal-qərb bürosunun məlumatına görə, quşlar arasında təlafat noyabr ayının sonundan etibarən başlayıb və bir həftə müddətində adıçəkilən kəndlərin əksər ərazilərində yayılıb.
Axşam yemlədikləri toyuq-cücəni səhər tələf olmuş vəziyyətdə aşkar edən sakinlərin əksəriyyətinə 1500 - 2 min manat dəyərində maddi ziyan dəyib. Anidən xəstəliyə tutulan ev quşlarına bəzi dərmanlar verilsə də, kütləvi tələfat hallarının qarşısını almaq mümkün olmayıb. Zərərçəkənlər bildiriblər ki, belə halla ilk dəfədir qarşılaşırlar.
Analoji hadisə Ucar rayonunun bir neçə kəndində də baş verib. Sakinlər hazırda bu cür vəziyyətdən olduqca narahatdır.
Məsələyə dair Qida Təhlükəsizliyi Agentliyindən (AQTA) bildirilib ki, hazırda quşların təlafatı ilə bağlı araşdırmalar aparılır.
Qeyd edək ki, Oğuz rayonunun Yaqublu və Yenikənd kəndlərində 2 mindən çox toyuq, 1000-ə yaxın hindquşu və 100-ə qədər qaz hələ ki bilinməyən xəstəlikdən tələf olub.
Bölgələrdə ev quşları kütləvi tələf olur
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
