Cəlilabadda qoyun sürüsünə iki avtomobilin çırpıldığı məlum olub - TƏFƏRRÜAT

Cəlilabad rayonunda bu gün baş verən yol qəzasının bəzi təfərrüatları məlum olub.

Bu barədə Den.az-ın yerli bürosunun sorğusuna cavab olaraq 
DİN-in Mətbuat Xidmətinin Lənkəran regional qrupunun baş inspektoru, polis kapitanı Məhəmməd Rzayev
məlumat verib.

Belə ki, bu gün saat 05 radələrində Cəlilabad rayon sakinləri E.Şəmmədov və Ə.Alışovun idarə etdikləri "Mercedes" markalı avtomobillər rayonun Uzuntəpə kəndi ərazisində hərəkətdə olarkən həmin vaxt yola çıxan qoyun sürüsü ilə toqquşub. 

Nəticədə 23 baş xırdabuynuzlu heyvan tələf olub, nəqliyyat vasitələrinə isə ziyan dəyib. 

Hazırda faktla bağlı Cəlilabad RPŞ-də araşdırma aparılır.