Sumqayıt şəhərinin 29-cu məhəlləsində ciddi yol-nəqliyyat hadisəsi baş verib.
Den.az xəbər verir ki, Chevrolet markalı avtomobil Wolksvagen avtomobilə dəyib və daha sonra idarəetməni itirərək "Al Market"ə çırpılıb.
Hadisə şahidlərinin sözlərinə görə, avtomobil yüksək sürətlə hərəkət edirdi və sürücü idarəetməni itirərək birbaşa marketin içərisinə daxil olub. Zərbənin gücündən marketin vitrinləri dağılıb, içəridə olan məhsullar yerə tökülüb.
İlkin məlumata görə, hadisə nəticəsində xəsarət alanlar var. Hadisə yerinə dərhal təcili tibbi yardım və polis əməkdaşları cəlb olunub. Sürücünün hadisə zamanı sərxoş olub-olmadığı araşdırılır.
Hüquq-mühafizə orqanları hadisənin səbəblərini müəyyənləşdirmək üçün araşdırmalara başlayıb. Marketdə maddi ziyanla yanaşı, ciddi xəsarətlərin olub-olmaması dəqiqləşdirilir.
Hadisə ilə bağlı rəsmi açıqlama veriləcəyi gözlənilir.
