ABŞ prezidenti Donald Tramp Truth Social sosial şəbəkəsində yazıb ki, məşhur rejissor Rob Rayner və onun həyat yoldaşı Mişel ona qarşı bəslədikləri nifrətin nəticəsində həyatlarını itiriblər. ABŞ lideri paylaşımında Raynerin “qəzəbli obsesiyasına” diqqət çəkib və kinorejissorun ətrafdakılarda “Trampa aludəçilik sindromunun” sağalmaz forması ilə qəzəb yaratdığını iddia edib. Trampın fikrincə, Raynerin “paranoyası insanları dəli edirdi”.
“Onun açıq-aşkar paranoyası administrasiyamız bütün məqsədləri və gözləntiləri aşdıqca yeni zirvələrə çatdı”, — deyə Tramp bildirib.
Bundan əvvəl, 15 dekabrda Los-Ancelesdə Rob Rayner və həyat yoldaşının öz evlərində bıçaq xəsarətləri nəticəsində öldüyü barədə məlumat yayılmışdı. Hücumda əsas şübhəli kimi cütlüyün 32 yaşlı oğlu Nik Rayner göstərilib və onun saxlanıldığı bildirilir. Məlumata görə, Nik Rayner uzun illər narkotik asılılığı ilə mübarizə aparıb.
