Den.az-ın yerli bürosunun verdiyi məlumata görə hadisə şəhərində baş verib. Astara şəhərinin Qum küçəsində yaşayan 1942 - ci il təvəllüdlü Əlisəfa İbrahimov şəhərdə gəzərkən yüksək təzyiqdən halı pisləşib. O, yıxılmamaq üçün özünü yaxınlıqda olan avtomobilə söykəyib.
Bu zaman nəqliyyat vasitəsi hərəkət edib və Ə.İbrahimov yerə yıxılıb. Ağır xəsarət alan yaşlı, təcili olaraq Lənkəran rayon mərkəzi xəstəxanasına çatdırılıb və reanimasiya şöbəsinə yerləşdirilib. Xəstəxanadan verilən məlumata görə xəstə Ə.İbrahimovun xəstəxanada müalicəsinə baxmayaraq, yaxınlarının təkidi ilə o xəstəxanadan çıxarılıb və müalicəsinin evdə davam etdiriləcəyini bildiriblər. Bu səhər 81 yaşlı kişi evdə ölüb.
Meyit daxili və xarici müayinə olunması üçün Məhkəmə Tibbi Ekspertiza və Potoloji Anatomiya birliyinin Lənkəran rayon şöbəsinə təhvil verilib.
Faktla bağlı araşdırma aparılır.
