Ali Məhkəmədə yol qəzası törətməkdə təqsirləndirilən Çingiz Ağazadənin barəsindəki hökmdən verilən kassasiya şikayəti üzrə məhkəmə iclası başa çatıb.
Den.az-ın əldə etdiyi məlumata görə, hakim Tahir Kazımovun sədrliyi ilə keçirilən prosesdə qərar elan olunub.
Qərara əsasən, kassasiya şikayəti və kassasiya şikayətinə əlavə qismən təmin edilib. Məhkum barəsində Bakı Apellyasiya Məhkəməsinin 7 mart 2023-cü il tarixli qərarı ləğv olunub və cinayət işi baxılması üçün apellyasiya instansiya məhkəməsinin baxışına təyin edilib.
İttihama görə, 2022-ci il iyunun 14-ü saat 23:41-də paytaxtın Yasamal rayonu, Məhəmməd Xiyabani küçəsi 117 ünvanının qarşısında – “Ətçilər” adlanan yerdə 2003-cü il təvəllüdlü Ağazadə Çingiz Əkrəm oğlu sürücülük vəsiqəsi əsasında etibarnamə ilə idarə etdiyi “Porsche Cayenne Turbo” markalı avtomobillə piyada keçidindən yolu keçən, 2005-ci il təvəllüdlü Səlimov Ayxan Mehman oğlunu vurub. Ağır xəsarət alan piyada hadisə yerində vəfat edib.
Faktla bağlı Yasamal Rayon Polis İdarəsində cinayət işi açılıb, Çingiz Ağazadə cinayət məsuliyyətinə cəlb edilib.
Yasamal Rayon Məhkəməsinin hökmü ilə o, 5 il 1 ay müddətinə azadlıqdan məhrumetmə cəzasına məhkum edilib. Hökmdə qeyd edilib ki, Çingiz Ağazadə cəzasını ümumi rejimli cəzaçəkmə müəssisəsində çəksin. Bakı Apellyasiya Məhkəməsi hökmü dəyişdirmədən saxlayıb.
Qeyd: Çingiz Ağazadə hadisə zamanı Azərbaycan Dövlət Bədən Tərbiyəsi və İdman Akademiyasının tələbəsi olub.
Piyada keçidində “Porsche” ilə gənci vuraraq öldürən tələbəyə nə qədər cəza verilib?
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
