İsmayıllıda yük maşını 22 yaşlı oğlanın üstündən keçdi -FOTO

İsmayıllı rayonunda bədbəxt hadisə baş verib.DEN.AZ xəbər verir ki, rayonun Aşıqbayramlı kənd sakini Mustafayev Teymur Əlipaşa oğlu özünə məxsus "Qaz-53" markalı yük avtomobilinə oğlu və qardaşı ilə birgə ot yığarkən maşını düz yerdə saxlamayıb. Sürücü yerdə olduğu halda avtomobil qəflətən çökək əraziyə tərəf hərəkət edib, ehtiyatsızlıq səbəbindən Teymur Mustafayevin 22 yaşlı oğlu Nicat Mustafayev yük avtomobilinin arxa təkərinin altında qalıb. Ağır bədən xəsarətləri alan Nicat Mustafayev təcili olaraq İsmayıllı rayon Mərkəzi Xəstəxanasına aparılıb.Xəstənin vəziyyəti ağır olduğu üçün onu müalicə üçün Bakıya şəhər 1 saylı Kliniki Tibbi Mərkəzə aparıblar. Faktla bağlı araşdırma aparılır.

DEN.AZ