Azərbaycanda daha bir uşaq qızılcadan öldü

Lənkəranda 6 yaşlı qız qızılcadan dünyasını dəyişib.

Den.az xəbər verir ki, Lənkəranın Veravul kənd sakini, 2018-ci il təvəllüdlü X.Qurbanlı yüksək hərarətlə rayon mərkəzi xəstəxanasına çatdırılıb və reanimasiya şöbəsinə yerləşdirilib.

Müayinə nəticəsində uşağa dəqiqləşdirilməmiş meninqoensefalit və qızılca diaqnozu qoyulub. Azyaşlını xilas etmək mümkün olmayıb.

Faktla bağlı araşdırma aparılır.