Polşanın baş nazirinin müavini və milli müdafiə naziri Vladislav Kosinyak-Kamış Ermənistanın müdafiə naziri Suren Papikyanla danışıqlar aparıb.
Bu barədə Polşa Müdafiə Nazirliyi məlumat yayıb.
Sabitlik, təhlükəsizlik və əməkdaşlıqda maraqlı olan ölkələr bizim dialoq üzrə tərəfdaşlarımızdır. Məhz buna görə birgə hərbi təlimlər, hərbi ali məktəblər arasında əməkdaşlıq və Polşa ilə Ermənistanın müdafiə sənayeləri arasında təcrübə mübadiləsi bizi maraqlandırır. Bu gün bunu müdafiə naziri Suren Papikyanla müzakirə etdim, — deyə Kosinyak-Kamış danışıqların yekunlarını şərh edib.
O əlavə edib ki, Varşavadakı Ermənistan səfirliyində hərbi attaşe ofisinin açılması da planlaşdırılır.
Müasir dünyada təhlükəsizlik yalnız hərbi güclə deyil, həm də məsuliyyətli tərəfdaşlıqlar şəbəkəsi və regionun gələcəyinə strateji baxan ölkələr arasında uzunmüddətli əməkdaşlıqla qurulur, — deyə nazir vurğulayıb.
