Sumqayıtda 26 yaşlı gənc qardaşı arvadını niyə öldürüb? HADİSƏ YERİNDƏN VİDEOREPORTAJ

Sumqayıtda dəhşətli qətl hadisəsi törədilib. 
 
Den.az xəbər verir ki, hadisə Sumqayıt Tibb Mərkəzinin Travmatologiya şöbəsində baş verib.
 
 
İlkin məlumata görə hadisə ailə münaqişəsi zəminində baş verib.

Belə ki, avqustun 9-da saat 12 radələrində Sumqayıt şəhərində yerləşən Travmatologiya xəstəxanasında müalicə alan 23 yaşlı Cəmilə Rəsulovanın öldürülməsi barədə Sumqayıt şəhər prokurorluğuna məlumat daxil olub. 

 Araşdırmalarla 26 yaşlı İsrail Rəsulovun bıçaqla xəsarət yetirərək qohumu Cəmilə Rəsulovanı qəsdən öldürməsinə əsaslı şübhələr müəyyən edilib. Hadisəyə gəlincə qayın öz qardaşı arvadını görmək məqsədi ilə içəri daxil olub. Cəmilə Rəsulovanı otaqda öldürdükdən sonra qaçmaq istəyib , lakin TƏBİB-in mühafizə xidmətinin əməkdaşı İsrail Rəsulovun əlindəki bıçağı alıb və onu dərhal polisə təhvil verib. Qətlin nə üstündə törədildiyi hələki məlum deyil.
 
İsrail Rəsulov iş üzrə  şübhəli şəxs qismində tutulub. Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.