Diyetoloq Sara Berrinin sözlərinə görə, qoz-fındığın müntəzəm qəbulu demensiya və insult riskini azalda bilər. Mütəxəssis beyin damarlarını qoruyan bu qidanı Daily Mail-ə müsahibəsində açıqlayıb.
Ekspert bildirib ki, xüsusilə beyin damarlarının zədələnməsi demensiyanın bəzi formaları, insult, dağınıq skleroz və epilepsiya riskini artırır. Lakin badam kimi qoz-fındıqların müntəzəm istehlakı bu təhlükəni əhəmiyyətli dərəcədə azalda bilər.
“Badam ürək üçün faydalı yağlarla, liflə və bioaktiv birləşmələrlə zəngindir. Bu maddələr qan damarlarının funksiyasını və bağırsaq mikrobiomunun balansını dəstəkləyir. Hər iki amil beyin sağlamlığı və demensiya riski ilə birbaşa əlaqəlidir”, — deyə Sara Berri vurğulayıb.
Onun sözlərinə görə, badam həmçinin iltihabəleyhinə təsirə malik polifenollar və arginin amin turşusu ilə zəngindir. Arginin azot oksidinin sintezində iştirak edir ki, bu da qan damarlarının sağlamlığı üçün vacibdir.
