Sumqayıt Dövlət Universiteti (SDU) son günlər bir sıra beynəlxalq layihə və tədbirlərə ev sahibliyi edir. Bunlar arasında Times Higher Education tərəfindən təşkil edilən “İqlim Fəaliyyəti” beynəlxalq forumu xüsusi diqqət çəkir. Forum çərçivəsində SDU-nu 50-dən artıq xarici mütəxəssisin ziyarət etməsi gözlənilir.
Bu gün Sinqapur Milli Universitetinin Dayanıqlılıq və Nanotexnologiya Mərkəzinin direktoru, dünya səviyyəli alim, professor Siram Ramakrişnanın Sumqayıt Dövlət Universitetində “Dayanıqlı inkişafa doğru: XXI əsrdə ali təhsilin və innovasiyaların rolu” mövzusunda mühazirəsi təşkil olunub.
Səfər çərçivəsində professor Siram Ramakrişna Sumqayıt şəhər İcra Hakimiyyətinin başçısı Zakir Fərəcovla da görüşüb. Görüşdə Sumqayıt Dövlət Universitetinin rektoru Rüfət Əzizov da iştirak edib.
Görüş zamanı Sumqayıt şəhərinin sosial-iqtisadi inkişafı, şəhərdə həyata keçirilən infrastruktur layihələri və innovativ texnologiyaların tətbiqi ilə bağlı məsələlər müzakirə edilib. Zakir Fərəcov Sumqayıtın dinamik inkişafından bəhs edərək, şəhərin ali təhsil müəssisələri ilə əməkdaşlıq perspektivlərini vurğulayıb. Professor Siram Ramakrişna isə SDU ilə gələcəkdə elmi və texnoloji sahələrdə əməkdaşlığın genişləndirilməsinin önəmini qeyd edib.
SDU-nun qonağı, dünya şöhrətli alim Zakir Fərəcovla görüşdü – FOTO
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
