2023-cü ilin Sentyabrın 19-da qanunsuz erməni silahlı birləşmələrinin təxribat-diversiya qrupu tərəfindən Xocavənddə yerləşdirilən minanın partlaması ilə törədilən terror aktı nəticəsində həlak olan polis əməkdaşı Ramil Şirinovun Sumqayıt şəhərində anım tədbiri keçirilib.
Şəhidlər xiyabanında təşkil edilən anım tədbirində Daxili İşlər Nazirliyinin İnsan Alverinə qarşı Mübarizə Baş İdarəsinin rəisi, polis general-mayoru Həzi Aslanov, Sumqayıt şəhər Polis idarəsinin rəisi, polkovnik Fəqan Azadəliyev, şəhidin doğmaları və yaxınları iştirak ediblər.
Tədbirdə qeyd olunub ki, Şirinov Ramil Arif oğlu 1987-ci ilin 8 avqustunda İmişli rayonunun Bəhrəmtəpə qəsəbəsində anadan olub. Orta təhsilini Sumqayıt şəhər 12 nömrəli tam orta məktəbdə alıb. Gəncə Texnologiya Universitetində ali təhsilə yiyələnib. Azərbaycan Silahlı Qüvvələrində hərbi xidmətini başa vurduqdan sonra, bir müddət mülki işlərdə çalışıb. Daha sonra Azərbaycan Respublikası Daxili İşlər Nazirliyinin Çevik Polis Alayında xidmətə başlayıb. Azərbaycan Respublikası Daxili İşlər Nazirliyinin Çevik Polis Alayının çavuşu olan Şirinov Ramil Arif oğlu Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xocavənd rayonunda şəhid olub. Sumqayıt Şəhidlər Xiyabanında dəfn edilib.
Ailəli idi. İki övladı yadigar qalıb.
Antitteror zamanı şəhid olan Polis əməkdaşı Sumqayıtda anılıb-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
