27 sentyabr – Anım Günü ilə bağlı Sumqayıt şəhərində Vətən müharibəsi şəhidlərinin xatirəsi yad olunub.
Sumqayıt Şəhidlər xiyabanında keçirilən tədbirdə şəhər İcra Hakimiyyətinin başçısı Zakir Fərəcov, idarə, müəssisə və təşkilatların rəhbərləri, deputatlar, hüquq-mühafizə orqanlarının əməkdaşları, şəhid ailələrinin üzvləri və ictimaiyyət nümayəndələri iştirak edib.
Anım Günü ilə bağlı saat 12:00-da Vətən müharibəsi şəhidlərinin əziz xatirəsi bir dəqiqəlik sükutla yad olunub.
Sumqayıt şəhər İcra Hakimiyyətinin başçısı Zakir Fərəcov, eləcə də idarə və müəssisə rəhbərləri Qalib Əsgər abidəsi önünə əklil və gül dəstələri qoyublar, şəhidlərin xatirəsini ehtiramla yad ediblər.
Daha sonra Azərbaycanın ərazi bütövlüyünün təmin edilməsi uğrunda həlak olan qəhrəmanların məzarları ziyarət olunub və üzərinə gül dəstələri düzülüb, ruhlarına dualar oxunub.
Qeyd edək ki, Ermənistanın ölkəmizə qarşı 2020-ci il sentyabrın 27-dən başlayan növbəti hərbi təcavüzünə cavab olaraq, Azərbaycan Silahlı Qüvvələri Ali Baş Komandanın rəhbərliyi altında işğal altındakı torpaqlarımızın azad edilməsi məqsədilə Vətən müharibəsinə başladı. 44 gün davam edən müharibə şanlı Azərbaycan ordusunun qələbəsi və torpaqlarımızın işğaldan azad olunması ilə nəticələndi. Azərbaycan Prezidenti İlham Əliyevin 2020-ci il 2 dekabr tarixli Sərancamı ilə hər il sentyabrın 27-si Anım Günü kimi qeyd edilir.
Sumqayıtda Anım Günü ilə bağlı şəhidlərin əziz xatirəsi belə anıldı - VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
