Azərbaycanda 2025-ci ilin “Konstitusiya və Suverenlik İli” elan olunması ilə əlaqədar Suraxanı Rayon İcra Hakimiyyətinin “Milli Dövlətçilik və Konstitusiya: Məktəblilərlə Strateji Dialoq” adlı layihəsi çərçivəsində RİH başçısı Adil Əliyev növbəti dəfə rayonun Əmircan qəsəbəsi üzrə ümumtəhsil müəssisələrinin yuxarı sinif şagirdləri ilə görüş keçirib.
“Den.az” xəbər verir ki, görüşdə RİH başçısının müavinləri, 84,87,97, 114, 154 saylı tam orta məktəblərin direktorları, müəllim heyəti və 10-11-ci sinif şagirdləri iştirak ediblər.
A.Əliyev çıxış edərək Azərbaycan Respublikasının Konstitusiyasının yaranma tarixi haqqında ətraflı məlumat verib, Ulu Öndər Heydər Əliyevin Azərbaycanın hüquqi, demokratik və dünyəvi dövlət kimi formalaşmasındakı rolundan bəhs edib. O, vurğulayıb ki, ölkəmizdə 2025-ci ilin “Konstitusiya və Suverenlik İli” elan olunması dövlətçilik tariximizin daha da dərindən öyrənilməsi baxımından xüsusi əhəmiyyət daşıyır. RİH başçısı qeyd edib ki, istənilən xalq üçün müstəqil, suveren dövlətini yaratmaq və onu inkişaf etdirmək ən böyük nailiyyətdir. Ölkə başçısı İlham Əliyevin rəhbərliyi ilə Vətən müharibəsindəki qələbə, antiterror tədbirləri nəticəsində suverenliyimizin bərpa olunması müasir Azərbaycanın yeni inkişaf mərhələsini formalaşdırdı.
Görüş zamanı RİH başçısı bildirib ki, bu gün Azərbaycan dövləti tərəfindən gənclərə böyük dəstək var. Ölkə başçımız tərəfindən gənclər siyasəti ilə bağlı bir neçə dövlət proqramları qəbul edilərək reallaşdırılıb və bu proses davam edir. A.Əliyev gənclərə həyatda özlərini təsdiq etməsi, cəmiyyətə faydalı vətəndaş kimi yetişməsi üçün öz faydalı tövsiyələrini verib. O, həmçinin, gənclərin müxtəlif məsələlərlə bağlı suallarını ətraflı cavablandırıb.
Sonda bütün şagirdlərə hədiyyələr təqdim olunub və xatirə şəkilləri çəkilib.
Adil Əliyev növbəti dəfə gənclərlə görüşdü - Fotolar
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
