Azərbaycanda 2025-ci ilin “Konstitusiya və Suverenlik İli” elan olunması ilə əlaqədar Suraxanı Rayon İcra Hakimiyyətinin “Milli Dövlətçilik və Konstitusiya: Məktəblilərlə Strateji Dialoq” adlı layihəsi çərçivəsində RİH başçısı Adil Əliyev növbəti dəfə rayonun Yeni Suraxanı qəsəbəsi üzrə ümumtəhsil müəssisələrinin yuxarı sinif şagirdləri ilə görüş keçirib.
“Den.az” xəbər verir ki, görüşdə RİHB-nin müavinləri, 85, 89, 101, 316 saylı tam orta məktəblərin direktorları, müəllim heyəti və 10-11-ci sinif şagirdləri iştirak ediblər.
Adil Əliyev çıxış edərək qarşıdan gələn bayramlar münasibətilə tədbir iştirakçılarını təbrik edib, ən xoş arzularını çatdırıb.
O, bildirib ki, tarixin müxtəlif mərhələlərində kənar müdaxilələrə, məhrumiyyətlərə baxmayaraq, xalqımız milli kimliyini, mübarizə ruhunu qoruyub saxlayıb, XX əsrin sonlarında dövlət müstəqilliyini bərpa edib, 1995-ci il noyabrın 12-də müstəqil Azərbaycan Respublikasının əsas qanunu – ilk Konstitusiya qəbul olunub.
Həmçinin, RİH başçısı müstəqil Azərbaycanın memarı və qurucusu Ulu Öndər Heydər Əliyevin dahi siyasəti, müasir müstəqil Azərbaycan dövlətinin qurulması, Müzəffər Ali Baş Komandanın rəhbərliyi ilə qazanılmış tarixi Qələbə, eləcə də onun müdrik və uzaqgörən siyasəti nəticəsində ərazi bütövlüyümüzün və suverenliyimizin tam bərpa olunması ilə bağlı ətraflı məlumat verib.
Görüş zamanı cəmiyyətin aparıcı qüvvəsi, bu günün və sabahın qurucuları olan gənclərin hərtərəfli inkişafı, biliklərinin artırılması, milli-mənəvi dəyərlərə bağlı vətənpərvər gənc kimi formalaşdırılmasının dövlətin gənclər siyasətinin başlıca məqsəd və amalı olduğunu diqqətə çatdıran Adil Əliyev onların faydalı vətəndaş kimi yetişməsi üçün öz dəyərli tövsiyələrini verib və gənclərin müxtəlif məsələlərlə bağlı suallarını ətraflı cavablandırıb.
Sonda bütün şagirdlərə hədiyyələr təqdim olunub və xatirə şəkilləri çəkilib.
Adil Əliyev növbəti dəfə gənclərlə görüşdü - FOTOLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
