Martın 7-də Suraxanı Rayon İcra Hakimiyyətinin təşkilatçılığı ilə “Konstitusiya və Suverenlik” ili çərçivəsində 8 Mart - Beynəlxalq Qadınlar Gününə həsr olunmuş tədbir keçirilib, eləcə də duaların qəbul olunduğu müqəddəs Ramazan ayında iftar süfrəsi açılıb.
“Den.az” xəbər verir ki, tədbirdə Rayon İcra Hakimiyyətinin başçısı Adil Əliyev, YAP Suraxanı Rayon Təşkilatının sədri Vüqar Seyidov, Milli Məclisin deputatları, rayonun hüquq-mühafizə orqanlarının rəhbərləri, RİH başçısının müavinləri, şəhid ailələri, rayonun idarə, müəssisə və təşkilatlarının nümayəndələri, ziyalılar iştirak ediblər.
Adil Əliyev şəhid anaları başda olmaqla bütün xanımları 8 Mart - Beynəlxalq Qadınlar Günü münasibətilə təbrik edib. O, Azərbaycan tarixində qadına verilən dəyər və hörmət ənənələrindən bəhs edərək, Azərbaycan qadınının mehriban ana, qayğıkeş həyat yoldaşı, dövlət idarəçiliyində müdrik rəhbər olduğunu vurğulayıb.
Ölkəmizdə dövlət qadın siyasətinin bünövrəsinin məhz Ulu Öndər Heydər Əliyev tərəfindən qoyulduğunu çıxışında qeyd edən Adil Əliyev bu siyasətin Prezident cənab İlham Əliyev tərəfindən uğurla davam etdirildiyini bildirib. O, qeyd edib ki, Azərbaycan qadınları dövlətin bütün strukturlarında ləyaqətlə təmsil olunur. Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın rəhbərliyi ilə milli maraqlarımıza xidmət edən və ənənələrimizi yaşadan çoxsaylı layihələrin uğurla icra olunması Azərbaycan qadınının mərhəmət və xeyirxahlığının, zəngin mənəvi dəyərlərə malik olduğunun bariz nümunəsidir.
YAP Suraxanı Rayon Təşkilatının sədri Vüqar Seyidov, Milli Məclisin deputatı Sevinc Fətəliyeva, şəhid Elzar Yusubovun anası Günəş Daşdəmirova, Azərbaycan Televiziyasının aparıcısı Nailə Babayeva, Respublikanın Əməkdar artisti, Rayon Ağsaqqallar Şurasının sədr müavini, professor Ağalar Bayramov da bütün xanımları təbrik edərək, ən xoş arzularını çatdırıblar. Qeyd olunub ki, böyük mədəni irsə malik olan Azərbaycan qadını çətin, keşməkeşli inkişaf yolu keçib. Taleyüklü milli məsələlərin həllinə öz töhfələrini verən xanımlarımızın elm, təhsil, mədəniyyət, səhiyyə və digər sahələrdə qazandığı nailiyyətlər onların çox böyük potensiala malik olduğunun təsdiqidir.
Tədbirdə rayonun ictimai həyatında fəal iştirak edən qadınların bir qrupu Suraxanı Rayon İcra Hakimiyyəti başçısının Fəxri Fərmanı ilə təltif edilib, eləcə də tədbirdə iştirak edən şəhid analarına və bütün xanımlara hədiyyələr təqdim olunub.
8 Mart Suraxanıda da qeyd olundu - Fotolar
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
