44 Günlük Vətən Müharibəsi Şəhidi Ramil Ağayevin qızı Aysu Ağazadənin doğum günü qeyd olunub.
Bu barədə Den.az-a şəhidin doğmaları məlumat verib.
Doğum günündə şəhidin doğmaları ilə yanaşı, Suraxanı Rayon İcra Hakimiyyətinin başçısı Adil Əliyev, tanınmış telejurnalist Nizami Rəsulov, bloger Elçin Ləmbəraniski və digər şəxslər iştirak ediblər.
Əvvəlcə Azərbayacan Respublikasının Dövlət Himni səsləndirilib və torpaqlarımızın ərazi bütövlüyü uğrunda canından keçən şəhidlərin ruhu bir dəqiqəlik sükutla yad edilib.
Şəhid qızı Aysu Ağazadə məclisə gəlişi ilə hər kəsi duyğulandırıb.
Tədbirdə çıxış edən Suraxanı Rayon İcra Hakimiyyətinin başçısı Adil Əliyev 44 Günlük Vətən müharibəsindən ətraflı bəhs edib. Adil Əliyev Prezident, Müzəffər Ali Baş Komandan İlham Əliyevin rəhbərliyində 44 gün davam edən və tarixi Qələbəmizlə bitən Vətən müharibəsindən bəhs edərək Ermənistanın məğlubiyyətə uğrayaq kapitulyasiya aktını imzaladığını bildirib.İcra başçısı bütün şəhidlərimizə Allahdan rəhmət və şəhid Ramil Ağayevin ailəsinə səbir diləyib. Eləcədə şəhidin qızı Aysunu ürəkdən təbrik edərək ona tələbəlik həyatında uğurlar arzulayıb.
Digər çıxış edənlər şəhidin keçdiyi döyüş yolundan və qəhrəmanlığından geniş söhbət açıblar. Aysu Ağazadə atası ilə hər zaman fəxr etdiyini və ona verdiyi sözü tutduğunu bildirib.
Qeyd edək ki, Aysu Ağazadə atsının şəhid olmasından sonra ilk dəfədir ki, doğum gününü qeyd edir. Məlumat üçün bildirək ki, Mayor Ramil Ağayev oktyabrın 8-də Füzuli döyüşləri zamanı şəhid olub. Lerik şəhərində dəfn edilib. Şəhid olduqdan sonra 2 qız övladını - 2007-ci il doğumlu Aysu və 2008-ci il doğumlu Zəhranı xalqımıza əmanət qoyub. Azərbaycan Respublikasının Prezidenti İlham Əliyevin sərəncamları ilə Ramil Ağayev ölümündən sonra "Vətən uğrunda", "Cəbrayılın azad olunmasına görə", "Füzulinin azad olunmasına görə", "Xocavəndin azad olunmasına görə", "İgidliyə görə", "Döyüşdə fərqlənməyə görə" medalları və 3-cü dərəcəli "Vətənə xidmətə görə" ordeni ilə təltif edilib.
Şəhid qızı öz doğum günündə hər kəsi qəhərə boğdu-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
