Şəhid Süleyman Mehdiyevin qızı doğuldu - Foto

Sentyabrın 19-20-də Qarabağda həyata keçirilən lokal xarakterli antiterror əməliyyatları zamanı şəhid olan Süleyman Mehdiyevin qızı dünyaya gəlib.

“Den.az” xəbər verir ki, körpəyə Oksana adı verilib.

Şəhid övladının zəruri xərcləri “YAŞAT” Fondu tərəfindən qarşılanıb. Bu məqsədlə 1 000 AZN vəsait ananın hesabına köçürülüb. Dünyaya yeni göz açan körpənin adına isə depozit hesabı açılacaq və 5 000 AZN vəsait onun hesabına yerləşdiriləcək.

Qeyd edək ki, Mehdiyev Süleyman Mansur oğlu 1982-ci ildə Ağdaş rayonunun Qarağan Şıxlar kəndində anadan olub. O, sentyabrın 21-də doğulduğu kənddə dəfn olunub.

Şəhidin iki övladı yadigar qalıb.