Erməni təxribatı nəticəsində şəhid olan 7 polis əməkdaşlarından biri Asim Camalzadənin səs yazısı yayılıb.
Bu barədə “Den.az”-a şəhidin yaxınları məlumat verib.
Belə ki, ötən gün hər kəslə vidalaşan Asim Camalzadə ondan narahat olan ailə üzvlərinə bu sözləri deyib:
“Torpaq üçün şəhid olmaq ,əla bir şeydi. Gedim şəhid olum, şəhid kimi ölüm, o daha yaxşıdı. Sevinərəm ki, gedib şəhid olaram. Əla bir şeydi”.
Məlumat üçün bildirək ki, DİN-in əməkdaşlarının olduğu “Kamaz” markalı nəqliyyat vasitəsi terrorçuların basdırdığı minaya düşərək partlayıb. Nəticədə nəqliyyat vasitəsində olan polis əməkdaşları 05.02.1994-cü il təvəllüdlü Camalzadə Asim Knyaz oğlu, 08.07.1987-ci təvəllüdlü Şirinov Ramil Arif oğlu, 12.07.1991-ci il təvəllüdlü Mahmudov Seymur Elsevər oğlu və 21.07.1998-ci il təvəllüdlü Zamanov Xəzər Azər oğlu hadisə yerində həlak olub.
