Erməni təxribatı nəticəsində şəhid olan 7 polis əməkdaşlarından biri Asim Camalzadədir. Sumqayıtdan olan gənc polis nişanlı imiş, həm də gələn ay toyu olacaqmış.
"Den.az" xəbər verir ki, bu barədə şəhidin doğmaları məlumat verib.
Asim Camalzadə Füzuli və Xocavənd rayonlarındakı hadisələrdə şəhid olan 7 polis əməkdaşlarından biridir. Doğmaları bildirir ki, ötən gün tapşırıq əsasında Qarabağa gedən Asim Camalzadə nişanlı imiş, gələn ay toyu olacaqdı. Elə bil ürəyinə danmışdı . Sağollaşarkən hər kəsə haqqınızı halal edin deyib.
Məlumata üçün bildirək ki, Xocavənd rayonunun Tağaverd kəndi ərazisində erməni diversiya qrupunun törətdiyi terror aktı nəticəsində Əhmədbəyli-Füzuli-Şuşa yolunda çalışan Azərbaycan Avtomobil Yolları Dövlət Agentliyinin 2 əməkdaşı həlak olub. Saat 04:30 radələrində DİN-in əməkdaşlarının olduğu “Kamaz” markalı digər nəqliyyat vasitəsi hadisənin baş verdiyi yerə çatarkən terrorçuların basdırdığı digər mina da partlayıb. Nəticədə nəqliyyat vasitəsində olan polis əməkdaşları 05.02.1994-cü il təvəllüdlü Camalzadə Asim Knyaz oğlu, 08.07.1987-ci təvəllüdlü Şirinov Ramil Arif oğlu, 12.07.1991-ci il təvəllüdlü Mahmudov Seymur Elsevər oğlu və 21.07.1998-ci il təvəllüdlü Zamanov Xəzər Azər oğlu hadisə yerində həlak olub.
Beləliklə, baş vermiş qəzada 3, terrorda 4 nəfər olmaqla, ümumilikdə 7 polis əməkdaşı həlak olub.
