Mövzunu "Den.az"a şərh edən politoloq Məhəmməd Əsədullazadə maraqlı məqamlara toxunub. O bildirib ki, Ermənistan Baş naziri Nikol Paşinyan Qarabağa muxtariyyət məsələsini gündəmə gətirə bilər: "Belə ki, Azərbaycanla sülh müqaviləsinin bağlanması istiqamətində aparılacaq danışaqlarda Qarabağa ermənilərin qayıtması fonunda bu məsələni masaya gətirməsi mümkündür. Ermənistan tərəfi Samvel Babayanı bu istiqamətdə təlimatlandırıb. Bununla Azərbaycana təzyiq göstərmək və güzəştlər əldə etmək məqsədi güdürlər. Ermənistan rəhbərliyi hələ də fərqində deyil ki, 30 il ərzində işğal olunmuş ərazilərdə ordu və qondarma qurum yaratmasına baxmayaraq 44 gün və 23 saat ərzində Azərbaycan onları tam məhv etdi. Əgər, Ermənistan belə bir avantürist şərtlə çıxış edəcəksə, sülh danışıqları müsbət nəticənlənməyəcək", - deyə politoloq fikirlərini tamamlayıb.