“Tarixi Zəfərimiz Heydər Əliyev siyasətinin təntənəsidir” mövzusunda konfrans təşkil edilib.
Den.az xəbər verir ki, Xırdalan şəhər 3 nömrəli məktəb-liseydə keçirilən tədbirdə əvvəlcə Azərbaycanın Dövlət Himninin səsləndirilib.
Ulu Öndər Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilib. Daha sonra “Heydər Əliyev və 44 günlük Zəfər Yolu” filiminin nümayiş etdirilib. Konfransada YAP Laçın rayon təşkilatının sədri –İlqar İlyasovun “Tarixi Zəfərimiz Heydər Əliyev siyasətinin təntənəsi” mövzusunda geniş məruzəsi dinlənilib. Bildirilib ki, Azərbaycanın müstəqilliyinin bərpasının ilk illəri tariximizin qaranlıq səhifəsi kimi xatırlanır. O illərdə ölkəmizə rəhbərlik edənlərin səriştəsizliyi, idarəçilik qabiliyyətlərinin yoxluğu, şəxsi ambisiyalarını dövlət maraqlarından üstün tutmaları Azərbaycanı vətəndaş müharibəsini yaşamaq, bir dövlət olaraq dünyanın siyasi xəritəsindən silinmək təhlükəsi ilə üz-üzə qoymuşdur. Ölkədə xaos, anarxiya, özbaşınalıq, iqtisadi böhran fəlakət həddinə çatmışdır. Azərbaycanın ərazi bütövlüyü pozulmuş, torpaqlarımız Ermənistan tərəfindən işğal edilirdi. Xalqımızın sabaha ümidi yox idi. Belə çətin günlərdə Azərbaycanın xilası naminə 91 nəfər tanınmış ziyalının ulu öndər Heydər Əliyevə müraciəti və nəticədə Yeni Azərbaycan Partiyasının yaradılması sonrakı proseslərə işıq saldı. YAP-ın yaradılmasından cəmi 6 ay sonra- 1993-cü ilin iyununda ulu öndər Heydər Əliyev xalqın təkidli tələbi ilə hakimiyyətə qayıtdı. 15 iyun 1993-cü il tariximizə Milli Qurtuluş Günü kimi daxil oldu. Bu təqvimdən başlanan yol tariximizə şanlı Zəfər səhifəsini yazdı.
Konfransda digər çıxış edənlər Zəfər Gününün əhəmiyyətindən ətraflı bəhs ediblər. Bildirilib ki, Ulu öndər Heydər Əliyevin 1993-cü ildə güclü, inkişaf etmiş, qüdrətli Azərbaycan naminə başladığı böyük siyasət Prezident İlham Əliyev tərəfindən dəyişməkdə olan dünyanın yeni reallıqlarına uyğun şəkildə layiqincə davam etdirildi. Bu siyasətin sayəsində beynəlxalq aləmdə nüfuz və söz sahibinə çevrilən Azərbaycan 44 günlük Vətən müharibəsi ilə özünün ərazi bütövlüyünü bərpa etdi. Azərbaycan xalqı Böyük Qələbə ilə Böyük Zəfər yaşadı. Bu Zəfər Ulu Öndər Heydər Əliyev siyasətinin Zəfəridir. YAP Laçın rayon təşkilatı tərəfindən təltiflərin təqdim edilməsi mərasimindən sonra Laçın şəhər 1 nömrəli tam orta məktəbin şagirdləri, Laçın şəhər 1 və 2 nömrəli uşaq müsiqi məktəbinin müəllim və şagirdlərinin hazırladığı ədəbi-bədii kompozisiya təqdim edilib.
