Müzəffər Ali Baş Komandan, cənab Prezident İlham Əliyevin rəhbərliyi ilə xalqımızın Qələbə qazandığı Vətən müharibəsində şəhidlik zirvəsinə yüksələn, Azərbaycan Ordusunun kapitanı olan Şəhid Ceyhun Elşad oğlu Useynovun 35-ci doğum günü qeyd olunub.
Den.az xəbər verir ki, Abşeron rayon Novxanı kəndində baş tutan tədbirdə Abşeron Rayon İcra Hakimiyyətinin məsul şəxsləri, rayonun idarə, müəssisə, təşkilat rəhbərləri və kollektivi, şəhidin doğmaları, yaxınları və şəhid ailələləri iştirak ediblər.
Tədbirdə Şəhidimizin keçdiyi döyüş yolundan danışılıb, onun göstərdiyi xidmətlərdən və şücaətlərdən bəhs edilib.
Tədbirdə çıxış edən Abşeron RİH başçısının müavini Gülnar Rəhimova, Abşeron rayonunda şəhid və qazi ailələrinə hər zaman böyük diqqət və qayğının göstərildiyini qeyd edərək buna görə cənab Prezident İlham Əliyevə, Birinci Vitse-prezident Mehriban xanım Əliyevaya və Abşeron RİH-nin başçısı Abdin Fərzəliyevə minnətdarlıqlarını ifadə edib.
Qeyd edək ki, Ceyhun Elşad oğlu Useynov 1990-cı il martın 9-da Abşeron rayonunda anadan olub.
Azərbaycan Ordusunun kapitanı olan Ceyhun Useynov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Kəlbəcər və Cəbrayıl rayonlarının işğaldan azad olunmasında fəal iştirak edib . Ceyhun Useynov oktyabrın 6-da Cəbrayıl döyüşləri zamanı şəhid olub. Abşeron rayonu Novxanı kənd qəbiristanlığında dəfn olunub.
Şəhid Kapitan Ceyhun Elşad oğlu Useynov Azərbaycan Respublikasının Prezidenti İlham Əliyevin Sərəncamına əsasən ölümündən sonra "Vətən uğrunda", "Cəsur döyüşçü", "Cəbrayılın azad olunmasına görə", "Füzulinin azad olunmasına görə", "Kəlbəcərin azad olunmasına görə", "Azərbaycan Ordusunun 100 illiyi (1918-2018)" yubiley medalı, "Vətən müharibəsi iştirakçısı" və "Şücaətə görə" medalları ilə təltif edilib.
Şahnaz Əliyeva
Den.az
Abşeronda şəhid doğum günündə anıldı - FOTOLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
